Heim > Sjaele Zeiver > Jaoreuverzich 2004 - 1
Jaoreuverzich 2004 (deil 1)

Van Oze razende Reporter

Eerste kwartaaleuverzich 2004.

Eederein haet de jaorwisseling euverlaef, alle lichaamsdeile zitte nog op zien plaats en de aolieböl zeen weer oetgesjeete of gekots. Eederein mot weer ff biejkomme van ein waek misbroek van drank en voor. Bart en Dees sjtilde häör establisiment ter besjikking veur ein sjpetterende Sylvester en aafbraek Party.
Keub meind det het neudig is om de waterkwaliteit van de Maas te inspectere en sjpringt zonger bezeij de Maas inne. Waat eine bikkel!
Het is wurkelik ongeluifelik. Het is nog ein iëewigheid toet de vastelaovendj en de carnavalswage is al half klaor. Det is toch ein unicum in de historie vanne sjpatze en dus toch waal ff het vermelje waerd.
Op 3 januarie is het jaorlijks truukerende sjpektakel van het mini-voetbal in de zaalvoetbaltempel aanne Nuuj Mert in Lin. Dao waerd duudelijk op resultaat gesjpeeld hetgeen het sjpelbeeldj veur de neutrale toesjouwer neet ten goede kump. Mer ja in dees moeilikke tieje van het Limburgse betaalde voetbal is resultaat het enige waat tilt. Dao waerde den auch ein zwaorbevochte derde plaats behaolt, hetgeen toch het maximaal haolbare woor. Aangezeen de coach het leet aafweite en de sjpelmaker gehuurd woor van SNA en nog neet op het team woor ingesjpeeld. Dit kwoom de kwaliteite van de op rechs, links en door het midde opstaumende “Gazette” neet ten goede.
Inmiddels zeen d’r ein aantal evenemente in het kader van het carnavalsseizoen. Carnavalskraker “sjtaek de börstel in ’t Sop” van nemes minder den Lex Creemers wint de Linnerleedjesaovendj. Euver de oetsjlaag hievan wäörd nog lang gediscussieerd hetgeen toch nooit of te nimmer nut haet.
Ongergeteikende is nog sjteeds druk aan’t sollicitere en dao begint waarempel sjot in de zaak te komme. Op 9 februari is het den zo wiet. De RR begint es hoogste ambteneer onger Gouverneur van V toet V aan zien carrière. Zien baan es ongerdirecteur biej de firma Verheyden wurd euvergenaome door de webmaster waat auch weer ein vertraging vanne updeets toet gevolg haet. Hiej wurd weer alert op geanticipeerd door eine angere werkeloze, (jao jao miense, veer höbbe/hejje d’r ein aantal biej de sjpatze). Maurice werp zich op es Webmaster Deputy. Det kint d’r den toch weer op zien cv vermelje.
De Linneraovendj in Zalencentrum de Harmonie is zoa wie eder jaor weer drukbezoch. Dit kump mede door ein afvaardiging van de sjpatze die ein weergaloos optraeje verzorge achter de pisbak. En natuurlijk door de orkesleider van Prima Toönke.
Vlak veurre vastelaovendj waerd nog ff ein vergadering t.b.v. de optoch belach veur de letste puntjes op de veulbespraoke “i” te zitte. Die veulbespraoke “i” haet te make mit het feit det, de auch weer veulbespraoke “sjpatzepolo’s” d’r eindelijk wore. Laote veer d’r neet te väöl euver oetweide en dees vergadering besloete mit “waat ein pech, de i is weg”.
Vastelaovendj zellef waerd sjweervol gevierd en het versjlaag daovan haet de veurzitter al op deze site vermeldj. Es aafsjloeter waerde ein exclusief aetentje geserveerd biej Le Village. Biej dees gelegenheid waas het de bedoeling det de 11.111ste bezeuker van dees site waerde geridderd. Allein ein klein, neet onbelangriek, probleempje….. De betreffende prieswinnaar mot waal aanwezig zeen.
Helaas geit in maart de moder van het volk oftewel de fietsende keuningin, ZKH Juliana nao de hemel en natuurlijk Bananasplit Ralph neet te vergaete. Nao ein paar daag van rouw waerd het geweune laeve den toch mer weer opgepak want het laeve “giet aon”.
De waek van het vogelhukske is inmiddels auch weer veurbiej. Helaas waerde hiej door weinig miense geheur aan gegaeve terwiel dit toch ein goed doel is wo se neet omhaer kins. Misjien det veer det het volgend jaor mer motte verplaatse nao 30 april en ein vogelhukske taege de meibaum optummere. Aangezeen de meiboum toch neet meer verkoch geit waere kintj misjien het vogelhukske verkoch waere veur het goede doel. BESJTUUR DOOT D’R GET MIT!
Naodet Sjtiene diverse male belaof haet ein nuuj vloerbedikking inne tent te gooije, komme veer toet de conclusie det dit project veur onbepaolde tied is oetgesjtild. Waarsjienlijk is det het gevolg van het verdwiene van de Discount-shop oet de Linner gemeinsjap. Daonaeve is gebleke det de deur van die T-kamer kleiner is den die wc-deure. Wie det veer dao achter zeen gekomme….gein idee. Mer oppe Linnerhei woont d’r eine mit ein sjerp auch veur detail. Dit is waarsjienlijk auch de reeje worom det Grand-cafe Sjtiene neet op de monumentelies van Limburg is truuk te vinje. Terwiel de oetbater van dit establisiment toch neet missjtong op dees lies. Sjtiene haet taegewoordig ein ech dartteam inne tent. Wieväöl d’r die jonges mot betale is toet op hede nag neet bekindj.
Dao brik weer ins ein heftige discussie op het gastebook los. Nao meining van onger angere ongergeteikende waere d’r onterech berichte van ’t gastebook verweiderd. Dit ruuktj nao SABBOTAASJ!!! Hetgeen resulteert in belemmeringe veur de miense waat regelmaotig redactionele werkzaamheden veur de site doon. Nao ein kort mer krachtig ongerzeuk van de RR is gebleke det het merendeil van de websitebezeukers het d’r mit ins is det biej ein gecensureerd gastebook de lol d’r waal heel sjnel vanaaf is.

Op nao ’t volgendj kwartaal en fijn Paosdaag.
(oeps, weer get vertraging opgelaupe - de webmeister)