April: De site wurd sjteeds wiejer
oetgebreidj enne bekindjheid van dees pagina sjluit waereldwiet
om zich haer. Het gastebook wurd min of meer gebroek es chat-site.
Det is neet de bedoeling en wurd dus auch biej de eersvolgende
vergadering ter spraoke gebrach. Toch brandj d'r in deze maondj
ein geweldige discussie los op ut gastebook. Ech geniete!!! Laes
en geniet:
Tysjoh:
Thei aardig logo, ich vraog
mich allein aaf of dae uul en dae kwekkert neudig zeen???
Theo:
Worom is dae Uul en Kwekkert
neet neudig den?
Beun:
Veer hubbe toch nieks te make
mit de carnaval verder ein sjoon logo en leuk op gezat.
Theo:
waat is det veur 1ne quatsj!Veer
hubbe toch waal degelijk get te maake mit de carnaval!
Koos Werkeloos:
Hè-hè, Eindelijk
un verhitte discussie in dit gastebook! Det zeen ich gaer.
Laot gaon, laot gaon. Hiej zitte de miense (veural die nieks
te doon höbbe) op te wachte!!! Ich zou zegke: "Vooral
doorgaan!"
Tisjoh:
De temperatuur in ut gastebook
begintj inderdaad aardig op te laupen. De bedoeling woor
det det logo op ozze madailie kwoom te hangen. En aangezeen
veer die auch wolen kinnen gebroeken op anger biejeinkomsten
van de Vlootbachtaler. En deze hubbe nieks tot weinig mit
de carnaval te maken.
Sjrapnel:
Waat zeen die anger bieijnkomste
boete de carnaval denne?? Wil se ze op zaoterdigaovendj
auch omhange danne?
Tisjoh:
wils doe bewaere dan det carnaval
= vlootbachtaler?? (mededeling tussedoor: dit is de meis
geweldige opmerking toet noe toe in het gastebook. Ein nominasie
veur oetspraok van het jaor)
Theo:
Jeh, zoa kinse nag waal oere
door goan!Oeteindelik zeen de vlootbachtaler opgerich veur
de carnaval!N waat maak det oet ss op anger biejeinkomste
den die medalie hubs omhange mit ut vlootbachtalerlogo!?!
Maar,doa kinne vur auch euver diskussiere in de volgende
vergadering biej sjtiene! (s die den neet oet de handj lup!)
Sjrapnel:
Ich dink det ver mer veur eder
gelegenheid ein anger medalie motte hubbe. durpsjete, kirkis
1,kirmis 2. keuninginnedaag, carnaval. En mit speciaal gelegenheden
de goude medalie van het vader-moeder-zoon-dochter-opa-oma-tante-oom--toernooi.
Koos Werkloos:
Hej Sjrapnel, Vergaet De "Luuk"se
Mert neet! (Leuke waordsjpeling hè!)
Dit woor ein kleine greep oet de meis verhitte
discussie tot noe toe. Sjoon who.
Mei: Der wurd druk euverlag, geherriet
en dom gezeiverd euver het nuuje logo. Welk nuuje logo? Welk logo
is het noe gewaore? Gein idee. Ich zeen nog sjeeds gein veuroetgang.
Auch zeen veer nog sjteeds gein welkomswaord van de veurzitter
of ein anger besjtuurslid. Vergaderinge van de spatze blieke enorm
gezellig te zeen en baovenal dao wurd heel get bespraoke. Behalve
de agenda.
Sjtiene krieg op ein helder augenblik het idee
om happy hour in te gaon veure. Helaas is het biej det helder
idee gebleve. Dit moment mos se waal in dien geheuge griffe, want
zo väöl heldere momente haet dae gooije miens neet.
Juni: Vriedig 6 juni: ALGEMENE
LEDEVERGADERING "DIE ORIGINAL VLOOTBACHTALER SPATZEN".
Belangriekste puntj op de vergadering is het beslisse of we eine
gezamelijke outfit wille höbbe. Dao zeen de meininge al euver
verdeild. Dao is get beslaote mer op het tiedstip van het ongerzeuk
van de auteur is dao nag sjteeds gein veuroetgang in gekomme.
Het eerste waat d'r deze maondj gedaon wurd is ein grote investering.
De LOEKIE, ein groot yacht mit drie verdepinge, ein zjumbad, minibar
en alles d'r op en d'r aan, wurd aangesjaf. Direk wurd det dink
opgehaold in het Noord-Braobantse Tilburg, door Linne Transport
op eine mega-trailer, en te water gelaote biej de Rosslag in Herte.
Eers wurd der ein fles champagne van 200 euro taege aan gemieterd
en daonao wurd het gevaarte aangemeerd biej van Vlodrop aanne
Maas. Es de gemeinte det mer good vintj, zo'n groot zeewaardig
sjeep in ut rustige Lin.
2de Pinksterdaag (9juni) is de Luukse Mert weer in het Linner
Landj. En dao is weer get gebuis gewaore. Grad Damen zong het
daak der aaf in de tent. Mer ja. Waat dae Beune mit die chick
haet gedaon is toet op heden nog neet bekindj. Ver höbbe
het der nag duk euver gehadj mer dao kan, gezeen het alcoholpromilaasj,
neet väöl gebeurt zeen. Jao misjien ein gebraoke kniesjief
of zo wie Beun dem nao hoes haet probere te fietse. Verder is
der nog gezaope en gezaope. Nao het aete höbbe ver gezaope
en es aafsjloeter gezaope. Och jao det zou ich bienao vergaete.
PAUL HAET EINE DIGITALE CAMERA. En nao de Luukse mert en
op eder anger evenement zal gans Lin en omsjtreke det weite.
Op 28 juni is het dan weer zo ver. In partycentrum "Het Kwekerieke"
wurd de spatzen BBQ georganiseerd. Het woor weer ein fees om neet
te vergaete en de belangeloze inzet van Joep en Sue van Beune
veur dit evenement wurd den auch enorm gewaardeerd. Allein Doedel
(de Chi-chi-wa-wa van de fam. Beune) haet ein blievend trauma
aan Hans euver gehaoje, omdet nao ein gevech wo de spetters vanaaf
vloge Hans heel onsjportief baove op hem ging sjtaon. Det kint
zonne Husjpuppy neet aan natuurlijk. Op dit evenement wore der
auch enige frustraties te merke waat betref oze versjlaaggaever
ter plaatse. Degene dae versjlaag haet gedaon op deze aovendj
mot nog sjteeds ein pak viltjes aan de femilie Beune gaeve. Dit
saort gedraag heurt Heim op de kleutersjool en ver wille det
den auch nooit meer zeen. Dao kins doe auch nieks aan doon, want
doe bös immers van Mofert, mer toch. Ein offciële
berisping!!!
