Heim > Sjaele Zeiver > Doot-het-zellef
Doot-het-zellef

Om auch nao het vastelaoves seizoen ein bietje beezig te blieve en de boewtechnieke get biej de wirke kinne vèr uch in saamewirking mit ooze doe-het-zelver biej oetstek, Versjteege, eine sjoeane cursus aanbeeje. Om wieväöl lesse het hiej geit is nog neet bekint, want dae Versjteege haet 't mit zien illigaal klusse bedrief VMB bv (Versjteege Maore en Bruike bv tellefoonnummer: 06-maoreenbruike) meistal uiteraard väöl te druk om auch nog hiej aan te wirke. Teks geit gepaard mit ein stèl duudelikke foto's, zoadet die luu mit 2 linkse henj zig auch visueel get der biej veur kinne stille.

Cursus 1: Boew dien eige MOTORVLEEGTUUG

1. Sniej mit ei sjaer- of Stanleymets eine zwaegel inne lingte doormidde. Zorg det de halve kop der op blief zitte: dit is de naas van dien vleegtuug.

2. Gebroek dien fantasie en zit mit hulp van get liem en nog miëer zwaegele ein sjoean houte vleegtuug inein. Haaj ‘m waal zoa lich meugelik!

3. Vang ei paar strontjvleege, duuj ze in ei pötje en zit dit gehiëel inne vreezer. Binne ei paar seconde bevinje de vleege zich in comateuze toestandj. Let op det se ze neet te väöl aaf leuts keule! Doe kins het putje auch inne keulkas zitte, allein doert ‘t dan langer veurdet de aankomende vleegtuugmotore ophaaje te bewaege.

4. Terwiel de vleege afkeule, smeer se mit behulp van ei naoltj get liem oppe vleugels van dien vleegtuug. Doot rustig aan mit de liem, die klein strontjvleegepeutjes zitte al snel vas! Gebroek secondeliem veur het bèste resultaat, mèr time dan het smeere en plekke get strakker, anges is de liem al opgedreug.

5. Haol de afgekeulde strontjvleege oet de vreezer en plaats ze op de klodders liem. Let op: allein häör peutjes vasplekke, die motte dalik waal nog kinne vleege!

6. Blaos veurzichtig get werm looch oppe nog verdaufde en sjiendooje biëeskes. Kal zach taenge ze, gaef ze leefde, bring ze weer toet laeve. Everybody ready for take-off?

 

7. This is your captain speaking! Vèr zeen klaor en es sé alles good höbs gedaon, zal dien vleegtuug ech vleege. Is ‘t gein prachtig gezich om te zeen wie die herbaore zweefteefjes de daag van häör leave höbbe? Väöl vleegplezeer!