Spatzen On Toer

Keuninginnedaag 2002 Arnhem

Op Keuninginnedaag 2002 besjlaote ein aantal Spatze (Luuk, Thei en Köster) nao Arnhem te gaon, dao zou s'middigs namelik Rôwen Hèze sjpele. Dit koste ver natuurlik neet misse.

Om te beginne zeen ver nao Luuk ziene tempel getrokke om ff biej te komme van ein ontzettend lange treinreis en om de innerlike miens te verwinne mit sjpek mit eier en mit, wie kin ut auch anges: pils.

Mit ein paar rukzek vol mit Hertog Jan en allerlei anger saorte beer besjlaote ver om nao ut plaatselike kirkplein te sjlentere wo ut optrede zou plaatsvinje.Ongerwaeges op strategische plaatse blikskes/fleskes achterlaotend omdet ver anges nooit van zien laeve meer de waeg truuk heje kinne vinje.

Halverwaege hubbe ver nog ein les "wie jat ich zo sjnel meugelik eine fiets" gevolgd van de plaatselike bevolking. Der mot gezag waere, die men krege ut sjlaot van dae fiets sjneller aope zonger sleutel dan ein normaal miens mit sleutel.

Einmaol in de feesttent (op ut kirkplein) en ongertusse al halfzaat bleek det die gooj miense in Arnhem dervan oet ware gegaon det die paar doezendj luuj in de tent neet meer als eine wc wage neudig hejje. Hiej mos dan auch nog ins fors veur betaald waere.

Gezeen de lange riej veur de pleewage en de hoge nood besjlaote ein paar neet nader genumde Spatze om dan mer ut mos op de moere vanne kirk van get mis te veurzeen... Helaas hejje ze gein raekening gehaje mit de plaatselijke sherif en zien posse die in de omgaeving aan ut patroulliere ware.

Opins klonk ut: "Heren wat zijn wij aan ut doen???". Dankzij eine collega van Luuk zeen de Spatze (en dae collega) echter ternauwernood onger ein boete oet kinne komme en kos ut fieest pas ech beginne!

Nao ein aantal anger optrejes kwaam dan eindelik Rôwen Hèze. Dit waas vanzelfsjpraekend geweldig, allein is os opgevalle det der in Arnhem neet zoveul mit beer waert gegoojt als hiej in de buurt. Dus hubbe veer ze mer ff veurgedaon wie det mot...

Get later en nog zater waas ut fieest in de tent aafgelaupe. Op zeuk nao de plaatselike ali dus! Nao ein tiedje hubbe ver ut mer opgegaeve en zeen ver geweun nao de McDrek gegange. De meiste ali's in Arnhem hejje de tent namelik gesjlaote.

Mit os buukske weer vol ginge ver mer weer op waeg nao Luuk ziene tempel. Nao ff zeuke hubbe veer ut sjpaor det ver sjmiddigs mit flesjkes en blikskes hejje oetgezat truukgevonje en koste ver mit ein voldaan geveul en op os gemaak truuk nao Luuk.

De foto's op dees pagina zeen allemaol gemaakt toen ver weer op waeg nao hoes woore. Zoals goot te zeen is haet de fotograaf der ein sjport van gemaakt om zoveul meugelik laeg ruumte op ein foto te kriege. Is um det goot gelukt of is um det goot gelukt?

Hubse auch zo'n verhaol? Twiefel neet en sjtuur het op mit get foto's zodet angere auch kinne mitgeniete!