Heim > Foto's > Spatzen On Toer - karte 1
Karte mit de Spatzen 2003 (deil1)
 

Foto-index | > Wiejer >

Zaoterdig 15 November waas t weer zover, de Spatzen hejje onger leiding van ozze kersjverse sergeant Keub weer ins get georganiseerd. In plaats van altied mer det bbq-e ginge ver dit keer karte. Dit sjpektakel haet zich aafgesjpeeld in ut kartcenter in Ech. Hiejònger volg ein oetgebridj verslaag omme zeer onduudelike foto’s ein bietje te compensere.

Biej binnekomst hej Beun de burdjes ein biejte verkeerd begrepe, hae minde te höbbe gelaeze detse neet de baan op mochs veurdetse duchtig onger de invloed vanne alcohol waars. Der waerde dan auch geprobeerd om zo sjnel meugelik de pot(mit geldj) op te kriege. Einmaol in de karts waar duudelik te merke det sommige miense dachte detse in ein boets-uiteke zaate, al dan neet als gevolg van de alcohol.

Geliek nao binnekomst zonjerde de dames zich aaf om ein sjtreidplan te verzinne, t kin natuurlik neet gebeure det de heren sjneller zeen.

Beun dae hej det al gauw inne gate en ging ff orde op zake sjtille.

Hans deej helaas neet mit aan t karte, om det gemis ein bietje goot te make waas hae waal aanwezig veur mentale ongersjteuning. Hiej is der Beun onger henj aan t numme, en t haet gewirkt, beun dae ging tekeer wiej eine dulle oppe baan. Der zeen neet veul karts (of benj) die der neet haet geraakt.

Om te beginne mochte ver os allemaol eine sjone euveral en helm oetzeuke. Zoalse kins zeen(of neet kins zeen natuurlijk) is de sjpanning al van de gezichter aaf te laeze.

Veur de sjtart nog ff ein foto make, veur t geval det….

Biej de karts waas t dringe geblaoze, eederein wool als eerste de “Pitsjtraot” in om zich de biste kart oet te zeuke, helaas is dit nemes gelukt want nao aaflaup hej eederein nao eige zigge eine kart dae veur geine maeter reej.(Dit verklaort natuurlijk auch de sjlechte runje tieje).

Foto-index | > Wiejer >